පෙරළා රිදවීම

මැසි මදුරුවෙකු සිරුරේ වැසුවද,

තලා පළිගන්න ලොවකදි,

අත්වැරැද්දෙන් කෙනෙකු ඔබහට

රිදවු විටෙකදි කුමක් කරහිද?

රිදවූ ක්ෂණයෙහි තලන විලසින්

මදුරුවෙකු,කුහුඹුවෙකු,

තලන්නේ උගේ සිතත් තරහින්

කය තලනු බැරි තරහ සමඟින්..

කල් ගෙවී ගොස් වැරදිකරු යලි,

සිතත් පහදා වරද පිලිගෙන,

වැරදි නොමකළ ඔබේ අභිමුව

සිටී භජනය කරමින් සමාව..

යලිත් නුඹේ මුව ඇරුණි නම්

රුදුරු අවි වන් වදන් සමඟින්,

වරදකරු දැන් ඔබද ඔහු දැයි,

නොවිමසන්නෙ කිමද නුඹගෙන්..

ගල් ගැසිය යුත්තේ පවට මිස,

පව්කාරයාට නොවන බව,

සැම මනුසතුන් සම බවද නොම දත්,

නුඹේ සිත හට කෙලෙස පහදම්?

ලිව්වේ : නදීකා අතුකෝරල.

2015.06.20